Fréttir 2026

08.maí 2026

Fáein skilaboð með vorkveðju.

Kæru Korpúlfar

Um leið og við óskum ykkur góðrar helgar,

minnum við á lokun í Borgum næsta þriðjudag 12 maí vegna starfsdags starfsfólks.

Svo skemmtilega vill til að þann sama dag hefur Grafarvogskirkja skipulagt vorferð á Sólheima og allir hjartanlega velkomnir með í ferðina. Þátttökuskráningu í Borgum.

Þá verður boðið upp á kvikmyndasýningu Köld slóð eftir Björn Björnsson í Borgum miðvikudaginn 13. maí kl. 13:00 Margrét Sölva bíóstjóri.

Uppstigningardagur er síðan dagur eldra fólks í öllum kirkjum landsins.

Föstudaginn 15 maí fellur niður línudansinn en allt annað í gangi, m.a. stólajóga með Stefáni Atla kl. 14:00. Einnig einnig eru allir velkomnir á sölu og handverksýningu Árvina í Hraunbæ 105 milli kl. 14:00 til 18:00 þann 15. maí.

Síðan mætum við öll á stórtónleika Korpusystkina á laugardaginn 16. maí í Grafarvogskirkju kl. 16:00 og ef þið eruð ekki nú þegar komin með miða er selt við innganginn en ekki tekin greiðslukort. Njótið vel og góða skemmtun.

Hjartans kveðja

Birna og Ríkharð.

24.apríl 2026

Gleðilegt sumar með sumargjöf.

Kæru Korpúlfar, þökkum ánægjulegan vetur og óskum ykkur alls hins besta í sumar.

Sumardagskráin okkar verður kynnt fljótlega, opnunartími í Borgum verður óbreyttur og vonumst til að sjá ykkur sem flest í sumar.

Við ætlum að fagna sumrinu saman á félagsfundinum næsta miðvikudag 29 apríl kl. 13:00 í Borgum. Sr. Sveinbjörn Bjarnason verður með erindi um sorg og sorgarviðbrögð,

sem á erindi til okkar allra, því enginn gengur í gengum lífið án áfalla. Þá mun Inga Dóra Björnsdóttir sem er að ljúka meistaranámi í félagsráðgjöf, kynna fyrir okkur mastersritgerð sína,

sem hún hefur varið við Háskóla Íslands. „Það er gott að vera þar sem gleðin býr, BORGIR, félags og menningarmiðstöð“. Og mun svara fyrirspurnum um verkefnið.

Korpusystkin munu að venju gleðja okkur með söng, en þau eru á fullu að undirbúa tónleika sem verða laugardaginn 16. maí í Grafravogskirkju.

Ríkharð Brynjólfsson formaður Korpúlfa mun síðan kynna fyrir okkur áhugaverðar staðreyndir um tölfræði Korpúlfa. Kaffi á könnunni í lok fundar.

Qigong með Þóru hefst síðan eftir fundinn kl. 16:30 í Borgum.

Stundvíslega kl. 19:15 sama dag 29.4. fer rúta frá Borgum með 40 Korpúlfa að sjá Ormstungu í Þjóðleikhúsinu. Leikhúsmiðarnir verða afhentir á miðvikudaginn 29.4. í Borgum.

Deginum eftir 30 apríl kl. 13:00 í Borgum, munu Karl G. Friðriksson og Sævar Kristinsson á vegum menningarnefndar kynna bók sína Síungir karlmenn. Bjóða upp á innsæi, innblástur og ráð.

Sumargjöfin í ár til Korpúlfa er ókeypis prufutími í stólajóga með Stefáni Atla jógakennara í dag, föstudaginn 24. apríl kl. 14:00 í Borgum. Eins og hefur verið auglýst.

Í framhaldinu frá 8. maí, mun hann bjóða upp á mánaðarnámskeið í jóga einu sinni í viku á krónur 5.000.- mánaðargjald.

Hvað er betra en að fara inn í sumarið með orku og hlýju í hjarta.

Ríkharð formaður Korpúlfa og Birna.

27. mars 2026

Spenandi tækifæri með ósk um gleðilega páska.

Kæru Korpúlfar

Af sérstökum ástæðum er eitt pláss laust í söguferð Korpúlfa um Vatnsnes 1 til 3 maí, og sjö pláss laus í sömu ferðina 15 til 17. maí, í fararstjórn Sigrúnar Valbergsdóttur, ferð sem byggð er á bókinni Náðarstund eftir Hannah Kent. Gist að Brekkulæk í Miðfirði. Þátttökuskráning og allar nánari upplýsingar liggja frammi í Borgum, en Sigrún kynnti þessa áhugaverðu ferð, fyrir okkur á svo skemmtilegan hátt í Borgum fyrr í vetur.

Þökkum góð viðbrögð við leikhúsferðinni 29 apríl á Ormstungu og minnum á að greiða miðaverðið inn á reikning Korpúlfa. Lagt verður af stað með rútu stundvíslega frá Borgum kl. 19:00 í Þjóðleikhúsið.

Þann sama dag 29.4. verður félagsfundur Korpúlfa og nánari dagskrá kynnt síðar.

Þá minnum við á glæsilegt páskabingó skemmtinefndar Korpúlfa kl. 13:00 næsta miðvikudag 1. apríl.

Boðið verður upp á einstaklingsmiðað tölvufærninámskeið 9 og 16 apríl í Borgum, þátttökuskráning liggur frammi.

Óskum öllum Korpúlfum nær og fjær hamingjuóskir með 28 ára afmælið 16. apríl 2026 og það er bjart framundan.

Gleðilega páskahátíð.

Ríkharð og Birna.

19. mars 2026

Félagsfundur 25. mars kl. 13:00 og fleira fróðlegt og skemmtilegt.

Heil og sæl

Stjórn Korpúlfa boðar til félagsfundar næsta miðvikudag 25. mars kl. 13:00 í Borgum

boðið verður upp á fræðslu um heimilisofbeldi og netsvik gagnvart eldra fólki.

Sérstakir gestir verða lögreglan á Höfuðborgarsvæðinu og Eva Lind félagsráðgjafi í málefnum eldra fólks.

Korpusystkin undir stjórn Helga Hannessonar munu gleðja okkur með söng og

Margrét Eiríksdóttir flytja okkur skemmtisögu. Ríkharð Brynjólfsson verður fundarstjóri og kaffi á könnunni.

Vonumst til að sjá ykkur sem allra flest enda síðasti fundurinn á þessum vetri.

Tölvufærninámskeiðið með Sölva Steini og Ingibjörgu hefur gengið vel og því ákveðið að endurtaka það

fimmtudagana 9. apríl og 16. apríl kl. 9:00 til 11:00 í Borgum, þátttökugjald 500.- og þátttökulisti liggur frammi í Borgum.

Vekjum athygli á því að áhugi er fyrir því að endurvekja leiklistarhóp Korpúlfa, þátttökulisti liggur frammi í Borgum.

Einnig liggur frammi þátttökulisti á sjálfboðaliðadag í Heiðmörk 9. apríl.

Þá eru fáein sæti laus í söguferð Korpúlfa um Vatnsnes með Sigrúnu Valbergsdóttur 15 til 17. maí 2026.

Meðfylgjandi í viðhengi eru allar upplýsingar um væntanlega aðventuferð Korpúlfa til Wurzburg 2026

á vegum ferðanefndar Korpúlfa, þátttökulisti verður lagður fram næstu daga, fyrstir skrá fyrstir fá.

Með hjartans ósk um allt hið besta,

Ríkharð formaður Korpúlfa og Birna.

06. mars 2026

Áhugverðir viðburðir framundan

Kæru Korpúlfar

Þökkum viðburðaríka viku og góða þátttöku,

svo og útskriftahópi ljósmyndanámskeiðsins til hamingju.

Allt samkvæmt starfsskrá í næstu viku.
En vekjum athygli á eftirfarandi :
Einstaklingsmiðaða tölvufærninámskeiðið með Sölva Steini verður 12. mars og 19. mars hefst kl. 9:00 í Borgum. Þátttökuskráning liggur frammi í Borgum 500.- þátttökugjald.
Ákveðin hefur verið Þjóðleikhúsferð miðvikudaginn 29. apríl á leiksýninguna Ormstungu pantaðir hafa verið 40 miðar á 11. til 14. bekk, Miðaverð er 9.810.- Sem greiða þarf inn á reikning Korpúlfa 0324-13-0920 kt. 601101-2460 fyrir 15. apríl 2026. Rúta fer frá Borgum kl. 19:15, sýningin hefst kl. 20:00.
Fimmtudaginn 9. apríl kl. 10:0 til 12:00 verður boðið upp á Sjálfboðaliðadag í Heiðmörk,verður nánar kynnt þegar nær dregur, þátttökulisti liggur frammi í Borgum og farið verður á einkabílum kl. 9:30
Næsta vika verður gleðivika fyrir Bingóunnendur því á þriðjudaginn 10. mars mun Grafarvogskirkja bjóða upp á tónlistabingó og síðan er Korpúlfabingó miðvikudaginn 11. mars kl. 13:00
Næsti félagsfundur Korpúlfa verður síðan 25. mars kl. 13:00 í Borgum.

Með hjartans ósk um gleðilega helgi,

Birna og Ríkharð Brynjólfsson formaður Korpúlfa.

22. febrúar 2026

Gleðifrétt hægt verður að kaupa heitan mat á ný.

Heil og sæl

Það er ánægjulegt að tilkynna að frá og með mánudeginum 2. mars 2026

verður hægt að panta á ný heitan hádegismat í Borgum og öðrum félagsmiðstöðvum.

Gerður hefur verið samningur við fyrirtækið Krydd og Kavíar um framleiðslu matar fyrir velferðasvið.

Fram að þeim tíma verður áfram hægt að kaupa léttan mat í Borgum eins og hefur verið í boði undanfarið.

Þökkum skilninginn, gleðilega Góu og stjórn Korpúlfa vonast eftir góðri mætingu á aðalfundinn á miðvikudaginn 25. feb. kl. 13:00 fín áður auglýst dagskrá og fínar veitingar í lok fundar.

Góð kveðja

Birna.

18. febrúar 2026

Gleðidagar framundan.

Kæru Korpúlfar

Takk fyrir gleðina í dag öskudagsskemmtun í Borgum undir stjórn Þóru, Amalíu og Ingibjargar.

Takk fyrir góða þátttöku í ferðunum sem eru framundan, ferðanefndin gerir allt til að ná niður biðlistum.

Takk fyrir góða þátttöku á ljósmyndanámskeiðinu í Borgum sem hefur gengið vel.

Takk fyrir skilning á þeirri breyttu matarþjónustu sem skyndilega breyttist hjá okkur og takk eldhússtelpurnar okkar fyrir góðu lausnir.

Vekjum athygli á aðalfundi Korpúlfa miðvikudaginn 25. febrúar kl. 13:00 í Borgum, venjulega aðalfundarstörf, tónlistardagskrá, sögulestur og glæsilegar veitingar.

Dansleikfimi með Auði Hörpu byrjaði 16. feb. og ný tímasetning er kl. 11:15 annan hvern mánudag, næst 23. febrúar kl. 11:15 í Borgum.

Fimmtudaginn 26. feb. kl. 13:00 mun Sævar Kristinsson heiðra okkur með nærveru sinni í Borgum og kynna bókina Síungir karlmenn,sem hann er höfundur að ásamt Karli G. Friðrikssyni. Viðburður á vegum menningarnefndar.

Miðvikudaginn 4. mars kl. 13:00 mun Karl Hinrik Jósafatsson Korpúlfur með meiru vera með myndasýningu og frásögn frá fjallgönguafreki sínu, verður nánar auglýst þegar nær dregur. Viðburður á vegum fræðslunefndar.

Fimmtudaginn 5. mars verður boðið til Hagyrðingarmóts Korpúlfa kl. 13:00 í Borgum undir stjórn Ragnars Inga Aðalsteinssonar.

Vonumst til að sem flestir taki þátt í gleðinni með okkur.

Theodór formaður Korpúlfa og Birna.

16. febrúar 2026

Aðalfundarboð Korpúlfa og tillaga uppstillingarnefndar

Aðalfundarboð Korpúlfa

Stjórn Korpúlfa boðar til aðalfundar Korpúlfa, félags eldri borgara í Grafarvogi.

Fundarstaður : Borgir, Spönginni 43, 112 R.

Fundartími : Miðvikudagurinn 25. febrúar 2026 kl. 13:00.

Formaður setur fund.
Kosning fundarstjóra og fundarritara.
Tónlistarveisla : Korpusystkin syngja og ásamt kór Borgarholtsskóla.
Skýrsla stjórnar og umræða um hana.
Framlag ársreikninga til umræðu og samþykktar.
Formaður kjörnefndar ber fram tillögu að stjórn og nefndum. ( Sjá meðfylgjandi viðhengi frá uppstillingarnefnd ).
Kosning stjórnar og nefndarmanna.
Kosning skoðunarmanna reikninga.
Þakkarorð.
Steinar Gunnarsson flytur okkur sögu um garðrækt.
Önnur mál.
Glæsilegar veitingar í boði stjórnar í lok fundar.

Vonumst til að sjá ykkur sem allra flest.

Stjórn Korpúlfa.

Uppstillingarnefnd Korpúlfa

Uppstillingarnefnd Korpúlfa, vegna kosninga formanns, stjórnar, varamanns í stjórn, nefnda og skoðunarmanna reikninga, á aðalfundi 25. febrúar 2026, sbr. 5. gr. laga félagsins, hefur lokið störfum. Tillögur nefndarinnar eru ritaðar hér fyrir neðan. Nöfn þeirra sem ekki sitja í stjórn eða nefnd á yfirstandandi starfsári eru skáletruð.

Formaður

Ríkharð Brynjólfsson

Stjórn

Margrét Sölvadóttir s. 693-4490

Jón Víglund Pétursson s. 895-7380

Rannveig Guðmundsdóttir

Haukur S. Harðarson s. 895-1689

Varamaður í stjórn

Margrét Eiríksdóttir s. 820-5672

Fræðslunefnd

Guðrún Þórðardóttir.

Kolbrún Ingólfsdóttir .

Sigurður Jóhannsson

Ferðanefnd

Sigríður H. MacEhern s. 696-3100

Jóna Þ. Vernharðsdóttir s. 699-6355

Sigmundur Stefánsson

Menningarnefnd

Ingibjörg Óskarsdóttir

Anna Sigríður Jensen

Sven Sigurðsson

Skemmtinefnd

Amalía Pálsdóttir

Vigfús Ólafsson

Ásdís M. Magnúsdóttir s. 694-3396

Guðrún Dúa Kristinsdóttir

Kristján G. Kristjánsson

Ólöf Björnsdóttir

Þorlákur Kjartansson

Skoðunarmenn reikninga

Hermann Guðmundsson

Ingi Sæmundsson

21. janúar 2026

19. janúar 2026

Áhugverð vika framundan.

Kæru Korpúlfar

Vekjum athygli á eftirfarandi með góðri kveðju :

Farið verður að selja miða á Þorrablót Korpúlfa kl. 11:00 í dag 19.jan. í Borgum (aðeins pen. ) miðaverð 10.000 fyrstir koma fyrstir fá.
Söngæfing Korpusystkina hefst í dag 19. jan. í Borgum kl. 16:30. Allir hjartanlega velkomnir í hópinn.
Jón G. Hauksson blaðamaður er gestur hjá kirkjustarfinu í Borgum þriðjudaginn 20. jan. kl. 13:00.
Miðvikudaginn 21. janúar verður gleðileg hópsöngstund í Borgum kl. 13:00 undir stjórn Elísabetar Halldóru og Eggerts, vonumst til að sem flestir taki þátt í sönggleðinni.
Sigrún Vilbergsdóttir fararstjóri verður sérstakur gestur hjá menningarnefnd Korpúlfa á fimmtudaginn 22. jan. kl. 13:00 með erindi um væntanlega þriggja daga söguferð Korpúlfa um Vatnsnes í byrjun maí 2026. Ferðin er byggð á bókinni Náðarstund og í framhaldinu verður lagður fram þátttökulisti í Vatnsnesferðina með hámark 16 þátttakendum. Allir hjartanlega velkomnir.
Ýmislegt nýtt verður kynnt og auglýst fljótlega m.a. ljósmyndanámskeið með snjallsíma 3. skipti með Jóni Ragnari Björnssyni.

Njótið vel og ánægjulegt hversu vel nýja árið 2026 fer af stað hjá okkur með góðri þátttöku í alla dagskráliði.

Theodór og Birna.

09. janúar 2026

Árið 2026 fer vel af stað hjá okkur.

Kæru Korpúlfar

Vekjum athygli á að

Tréútskurður á Korpúlfsstöðum fellur niður næsta mánudag 12. janúar vegna jarðafarar.
Korpúlfa púttið á Korpúlfsstöðum verður næsta fimmtudag 15. janúar kl. 10:00 undir stjórn Hermanns, vonumst eftir að sjá sem flesta.
Þorrablótsnefnd Korpúlfa byrjar að selja miða á Þorrablót Korpúlfa mánudaginn 19. janúar. Tíu dögum áður en Þorrablótið verður sem er 29. janúar 2026 í Borgum, sama miðaverð og í fyrra.
Canasta spilamennska fellur niður þann dag 29. janúar vegna undirbúnings fyrir Þorrablótið í Borgum.
Nokkur sæti eru laus í Korpúlfaferð til Norður Ítalíu 21. maí til 28. maí 2026. Gist á glæsihótelinu Regína í dásamlega bænum Stresa við Maggiore vatnið á Norður Ítalíu. Allar nánari upplýsingar um ferðina eru veittar í Borgum og hjá ferðanefnd Korpúlfa.

Með allra bestu nýárskveðju,

Theodór formaður Korpúlfa og Birna.